Sansar

Roz savere jab meri neend khulti hai,
Sansar ki haalat par mujhe hairani hoti hai,

Manushya manushya ko hi raunde ja raha hai.
Manavta gum hai shahar aur gaon me,

Lobh lalach ka hi bolbala hai.

Bhasha me katuta ne raj sambhala hai,
padosi padosi ka dushman hai.

Bhai bhai me tanav ka nata hai,
Aaj ke baap baap nahin hain,

Aaj ki ma ma nahi,
Bacchon ka bachpana lupt ho gaya hai,

Ashleelta ke jaal me.

Sabhyata sanskriti ko sabne kho dala hai,
Santa Barbara aur Bold And Beautiful ka bol bala hai.

Teej tyohaar bedhange hote ja rahe hain,
Mandiron me khokhle bhajan sunai de rahe hain,

Har taraf bechaini ghabarahat aur nirasha hai.
Manushyata aur pashuta ka fark kum hota jata hai.

Jab tak dil aur dimag me badlav nahi aayega,
Manav yun hi andhkar me doobta jayega.

Contributing Poet - Amita enjoys writing stories and poems in Hindi & English. Want to get a short story written for children? amita17149@hotmail.com