Pragti Path Per Tujhey Nirantr Badna Hoga

Pragti Path Per Tujhey Nirantr Badna Hoga, Nahin Rah Mein Pathik Kahin Bhi Rukna Hoga.

Martey Dum Tak Mere Pyare Chalna Hoga, Har Mushqil Sey Dekh Akele Ladna Hoga

Pragti Path

Chahey Kitna Chatur Ho Dushman, Chahey Kitna Chalak
Chahey Kitna Veer Ho Dushman Chahey Khatarnak

Yeh Jaan Lo

Inmey Sey Har Aik Ko Maar Bhagana Hoga, Har Kimat Par Swad Vijay Ka Chakna Hoga

Pragti Path

Ho Sakta Hai Tujhey Satya Kasuti Par Aajmaya Jaye, Lobh-Lalach, Moh Maya Key Jall Mein Phansa Jaye

Saavdhan

Sanyam, Dhairya , Vivek Aur Yogyata Ka Pradarshan Karna Hoga, Dhyan Lakshya Par Kendrit Tujko Karna Hoga

Pragti Path Yeh Smaran Rahey

Imandari, Parishram Avam Ahinsa Hoga Hathiyar Tumhara, Paropkar Hi Keval Hoga Uddesheya Tumhara
Nij Labh Ki Parvarti Ko Tajna Hoga, Satya Shanti Ki Sankalpana Ko Man Mandir Mein Rakhna Hoga

Pragti Path Befikr Hokar

Nir Ki Bhanti Nirantar Aviral Bahna Hoga, Jal Kar Tyag Tapasya Ki Agni Mein Kundan Bannna Hoga

Aur

Krodh, Kusang, Vyasan , Vasna Aur Kuvicharon Sey Bachna Hoga, Maun ,Prashansa- Pachan Aur Sharvan Shakti Ko Bhi Anupatik Rakhna Hoga

Pragti Path Is Tarah

Paa Jaoge Paar Tum Eik Din Jab, Saamney Kinara Hoga , Sanyam Rakhna
Shan Bhar Bhi Vishram Vahan Par Varjit Hoga, Thoda Aur Adhik Key Liye Maan Vichlit Hoga

Thaharna

Trutiyon Aur Sudharon Par Gaur Pharmana Hoga, Phir Nayee Manjil Ka Safar Suhana Shuru Karna Hoga

Pagti Path Harry “ Natkhatiya”.

Contributed By : Harish Kumar Purohit M.A (HINDI) From Delhi University harish.purohit@ndpl.com