Manzil

Chale the saath milkar, Chalte chalte yeh mann akela ho gaya,

Jaise dekha piche mudkar, Laga mano koi apna pyaara kho gaya,

Manjil par paunchane se pahle, Raah me hi atak gaye,

Manjil dur tak najar nahi aaye, Raasta bhatak gaye,

Bechain hokar hamari najar, Idhar-udhar ja rahi thi,

Lekin chaaron taraf sirf, Dhundh hi dhundh najar aa rahi thi,

Aankhain band karke, Maun se hum ho gaye,

Aisa laga mano aaj, Sach me ham kho gaye,

Achanak..thandi hawa ka jhonkha aaya,

Mano kisi ne pyar se sahlaya,

Aankh khuli to dekha dur se koi parchaai si,

Kareeb aa rahi thi, Najdik aane par paya meri MAA muskra rahi thi,

Usne rakha mere sar par haath, Le gaye mere saare dukh apne sath,

Dur ho gayi saari dhundh, Manjil saamne najar aane lagi,

Uthkar main phir apni manjil ki taraf jaane lagi

Contributed By : Rinki Gandhi(rinku)