Content Writer India

 

 

About contentwriter | Contact Us

Useful Articles

More Poems

Short Stories

Hire Our Writing Services

Know More About Our Services

Contact Us contact@contentwriter.in

Advertise With Us

Search Content Writer India 

 

 

Haqeeqat

 Baal the kale, Rang tha gora, unpe bhi kabhi jawani thi,

Kandhe chaure, Teekhi nazre, khoon mein rawani thi,

Us umar mein sundar dikhna sabke man ko bhata tha,

Heere moti se sajna unhebhi khoob ata tha,

Dil ki baaten ve bhi karte ,pyar unhe bhi bhaata tha,

Samay beeta, sab bhoole ,ik duje ki sunnaa kehna,

Hum sab khoob likh par jae, chahe pare kuchh bhi sehna,

Chandi bechi sona becha,becha ang par lagta har gehna,

Hum jo chahen, mil jae, chahe pare kuchh bhi karna,


Rhakhi neev,chat pari,nayee bani deewaren,

Hum chain se kaate ratein,khud kaati gin taare,

Maan ko aksar wohi purani saari mein paya tha,

Ghar ke kone kone ko bare dil se usne sajaya tha,

Us ashiaane mein phir aayi bachon ki baraat,

Ik doli gaee, ik aayi,hui nayee shuruavat,

Kilkariyon se gunji us angan ki dharti,

Nate poton par, dadi jaan nyochhavar karti.


Lekin bÍte ki naukri, lag gaee, baahar gaon ko,

Udna use khoob uncha, chhod peepal ki chhaon ko,

Sab kehte us ghar ko becho, chhoro us ashiane ko,

Ruh basti thi usme, ye kya pata zamane ko?

Har saal holi ke rangon se rang jaati thi mitti,

Dakiya bhi, unke naam ki laya karta tha chithi,

Ghar khali, aangan suna, sirf deewaren khaati hain,

Nazren bhi ab jitna chahein, door dekh nahi paati hain,

Chehre ki zhuriyon mein atak kar,ansoon ab rukne lage hain,

Koshish karte ,seedha rakhne ki, kandhe bhi ab zhukne lagen hain,

Bachpan ,jawani aur budaapa, sab par hi aana hai

Maat pita ke sang hi chalta ye zamana hai.  

Contributed By : Pooja Sharma mrs_p_sharma@yahoo.com  

 

Web Content Writing Services, India | Contribute Your English & Hindi Poems

Sitemap

Home


Copyright © contentwriter.in , contact@contentwriter.in