|
Hamare Padosi
Pata nahi kya baat hai
humme jo hamare padosi aise mile jo na hume jaan paye na hi hum unhe.
Har naye padosi ka humne
kiya hardik abhinandan,
lekin badle me hume mila mansik krandan.
Pratyek mitrata roopi pasa
palat gaya,
aur shatruta ka naag fann gaya.
Humne har prakar naye
saathiyon ko apnana chaha,
par jyadatar nirmohiyon ne dhakka hi maara.
Jab jab flat khali hua
humne soch badli,
ab nahi bolenge kabhi, ye
dharna rakh li.
Par wah re hamari sahan
shakti ke kya kahne,
naye logon ke aate hi hum
chale unse milne.
Ye kya, phir nirasha ne ki
hamari swagat,
apna sa muh latkaye hum
phir ghar ko aaye.
Ab phir se hai flat khali,
par dil me phir hai umang,
abki baar shayad mile hume
padosi jinke ho naye dhang.
Contributing Writer
Amita enjoys writing stories and poems in Hindi & English.
amita17149@hotmail.com
|
