Akelapan

Akelapan mujhe bhata hai, ye mere astitva ko jagata hai.
Jab koi hota nahi hai paas, to ye hota hai mere saath.

Beete dino ki yaaden mastishk me ubharti hain,
saath apne chalchitra bhanti chavi bikherti hain.

Kinhi beeti yaadon ki chavi mujhe hansati hain, to kuch katili yaaden chubhan chod jati hain.

Akelapan ek aisa saathi hai, jo hamesha kaam aata hai.

Nistabdhta  ka aabhas mansik snan karata hai,
acche bure vicharon me phark karna sikhata hai.

Prani tu akelepan se mat dar,
ise mitr maan tu aage chal.

Iska saath ek aisa saath hai ,
jo asankhya aparichiton ke beech bhi tere saath hai.

Eeshwar ko sachmuch anubhav karna ho to akelepan ko madadgar ke roop me le lo.

Man ke shant prangan me, vicharon ki madhurta me,
main khud ko eeshwar ke karib paati hoon.

Kisi ne sach hi kaha hai akelapan jaisa koi mitr nahi hai,
shanti jaisi koi saheli nahi hai.

Contributing Writer  Amita enjoys writing stories and poems in Hindi & English. amita17149@hotmail.com