|
|
|
Amma
|
|
Yeh ek aise gareeb budhiya
ki kahani hai jiske nau bete aur ek beti thi. Beti ki shaadi ho gayi thi
aur wah apne sasural me rahti thi. Amma ke bete alag alag dhandhe me lage
the aur poori dilli me phaile hue the. Lekin afsos ki baat yeh thi ki koi
bhi beta budhiya Amma ko rakhne ko tayiaar nahi tha. Sabki biviyaan usse
chidti theen aur milne jane par use khane ko bhi nahi deti theen.
Budhiya ka sharabi pati
gaaon me rahta tha aur kabhi aakar usse paise cheen kar le jata tha. Amma
logon ke yahan safai ka kaam karti thi. Akele ek jhuggi me rahti thi par
use apne jeevan se koi nirasha nahi thi.
|
Mehnat se wah katai nahi ghabrati
thi. Sabse acche se baat karti thi, kisi se uski kabhi ladai nahi hui thi.
Agar koi malkin kabhi daant fatkar de tab bhi wuh jawab nahi deti thi.
Mere ghar bhi kuch din kaam karne aati thi. Mujhe kahti aapko beta nahi
hai to kya, betiyan beton se bhali hain. Mujhe dekho, mere nau bete hain
par main akele rahti hoon aur kisi se madad nahi mangti. Jo paise kaam se
milte hain usi se guzara karti hoon. Saal mein ek baar meri beti mujhse
milne aati hai ussi se main khush rehti hoon.
|
|
Jab wah kaam par aati mein pahle use baithakar kuch khila pila deti thi.
Kapde, chappal, chatri, chadar vagayrah usko deti rahti thi. Kaam bahut
accha karti thi, uske jaane ke baad farsh chamakne lagta tha. Saare ghar
ka furniture ghiska kar wah jhadu poocha karti thi aur usko apne kaam aur
mehnat par naaz tha. Ek din maine besan ka halwa banaya tha. Maine Amma ko
sabse pahle khilaya. Khakar usne kahan bahut accha bana hai. Waise hi jab
kheer ya kuch aur special cheez banti thi, Amma ko mein zaroor deti thi.
Usko khate dekh mujhe bahut khushi hoti thi.
Ek din Amma ghabrayi hui aaye aur bataya ki uske pati ki haalat kharab thi
aur use gaon jana padega. |
Maine use kuch davayiaan, purane kapde aur paise
diye aur wah chalee gaye. Paanch mahine beet gaye. Mere ghar ab koi aur
kaam wali thi.
Ek din shaam ke samay kisi ne darwaze par dastak dee. Maine khola aur
dekha ki amma ek chadi ke sahare kadhi thi. Uske murjhaye chehre par mujhe
dekh kar halki muskaan khil gaye. Usne bataya ki ab uska pati theek ho
gaya tha aur wah wapas aa gayee thi. Train se utarte samay uske paaon mein
mocha a gaye thi. Maine use chai naashta karaya aur jaate samay kuch paise
dekar kahan ki milti rahna. Thode dino baad ho maine dekha Amma road par
bina chadi ke chal rahi thi. Wahin se usne pukar kar kahan ki saamne wale
ghar mein use kaam mil gaya hai and kabhi mujhe zaroorat ho to bula sakti
hoon. Budhiya Amma ki maansik shakti ko samajh kar maine socha kaash har
koi museebaton ka saamna aise ho mukurake kar sakta.
Contributing Writer: Latika, Team at contentwriter.in
contact@contentwriter.in
|
|
|
|
